Binness karne chala launda

Binness karne chala launda,

Binness karne chala launda.

Karta naukri baabu waali,

Tem to tem deta tha duty,

Routine ki life se bore tha banda,

Binness karne chala launda.

Khaata saadi daal aur gawaar,

Aur aadhi 'Peejaa' mahine mein ik baar,

Bola, 'Kyun na piyen roz daaru soda'

Binness karne chala launda.

Aata ghar par shaam dhalte hi,

Aanjoy karta misaij ki company,

Khush tha par khushi ko rupyon se tolta,

Binness karne chala launda.

Khush thi phamily 15 hajaar mein,

Ghar tha, motor thi aur TV hall mein,

Par use chaahiye thi nai 'Honda',

Binness karne chala launda.

Market ki karli zara si research,

Aur thodi si opportunity search,

Friend ko bola..'Now is the time, Banta'

Binness karne chala launda.

Le lee risk, chhod di naukri,

Wife ko lekar confidence mein, maa ko bola 'Not to worry',

'Now or Never' ka dekar funda,

Binness karne chala launda.

Utra market mein 'Mr. Tripathi',

Logon ko bola...'I provide services with sincerity'

Dar dar bhatak kar graahak dhoondta,

Binness karne chala launda.

Sau mein se uski sunta koi ek,

Cumpateesan dene waale the anek,

Mushkil se aata haath koi murga,

Binness karne chala launda.

Karta gaya savings ko invest,

All his abilitiej were put to test,

Tension 24 ghante mandraata,

Binness karne chala launda.

Family ki wishes to door,

Khud hi ko waqt dene se majboor,

Itwaar bhi working day ban jaata,

Binness karne chala launda.

Chintoo ki school fees ka time aaya,

Misaij ko bola, 'Kahaan se laun, Chhaaya?'

Raashan ka hi kharch nikaal paata,

Binness karne chala launda.

Lekin usne nahi kiya surrender,

'Never give up' ka tha aasaan sa mantar,

Sacrifice aur mehnat se wo ladhta,

Binness karne chala launda.

Aakhir ek din mil gai wo deal,

khaabon mein jise karta wo feel,

Daudne laga uska bhi dhanda

Binness kar gaya wo launda

Binnessman ban gaya wo launda